男人更年期︱「愛妻號」退休後性情大變 太太抱怨：他愈老愈躁隨街鬧人呀

「究竟男人係咪都有更年期？」她慨歎地問，其他人沒有回答，只是嘰咕笑起來。

「我老公以前唔係咁㗎，他對我好溫柔，從來都唔會大聲喝我㗎，依家就好似食錯藥咁，我講乜佢都會大聲噴過嚟，動不動就發脾氣。」她的丈夫剛退休兩年，以前是專業人士，性情溫文，向來都是以「愛妻號」見稱的，難道退休後性情大變？

「我老公咪又係咁，以前個人好隨和㗎，唔知點愈老就愈躁，揸住架車就通街響喇叭，食嘢就罵侍應，通街罵人，返到屋企就罵我。我不過係輕輕問佢肚唔肚餓啫，佢就噴過嚟：『我肚餓自然會食嘢，唔使你理！』你話係咪激死我呀！」她的丈夫是做生意的，不過經不起那三年疫情的衝擊，盤生意已名存實亡了。

「唉，我就寧願我老公罵吓我啦，起碼有啲反應呀！呢幾年，我老公好似啞巴咁，同我係零溝通，佢完全收埋自己，街又唔去，我真係擔心，佢唔知係咪患抑鬱症呢！」她的丈夫是當中最年輕的，但數年前突然提早退休，也許是工作壓力太大了，自此他就躭在家裏，縮進自己的殼裏。

男人要適應退休生活，並非想像中的簡單，尤其是習慣了被簇擁奉承的老闆級，一下子退下火綫便像個孑然一身的老人了，心裏滿是不爽。但礙於自尊，男人不欲說出心底話，就連太太也不欲跟她說，怕被她瞧不起，怕她嚕嗦，心事憋得多，就時常處於一種氣在心頭的躁底狀態了。

「哎呀，我要趕去幫老公買中藥呀！」「我都要去買餸，老公晚晚要準時食飯㗎！」女人們發完輪牢騷，還是忠誠地趕回去侍奉丈夫，可惜不是太多男人懂得珍惜呢！

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m